លោក រស់ ប៉ែត នាយកមជ្ឈមណ្ឌលអភិវឌ្ឍន៍មុខជំនាញកម្ពុជា-ថៃ និង មន្រ្តីពាក់ព័ន្ធ គម្រោងត្រូវបានក្រសួងការងារនិងបណ្តុះបណ្តាលវិជ្ជាជីវៈចូលរួមក្នុងសិក្ខាសាលាស្តីពី “ការចែករំលែកបទពិសោធន៍អំពីការអភិវឌ្ឍន៍ធនធានមនុស្សដើម្បីការងារសមរម្យ និងការងារសង្គមនៃប្រទេសជប៉ុន និងប្រទេសឥណ្ឌូនេស៊ី (National Workshop on Sharing Experience of HRD of Decent Work and Social Inclusion, Japan and Indonesia) ដើម្បីចូលរួមសិក្ខាសាលាថ្នាក់ជាតិនៅសណ្ឋាគារកាំបូឌីយ៉ាណាភ្នំពេញ (Cambodiana Hotel Phnom Penh)។
ប្រធានបទនៃអង្គសិក្ខាសាលានេះរួមមាន:
      ១- ការចែករំលែកបទពិសោធន៍នៃប្រព័ន្ធបណ្តុះបណ្តាល TVET របស់ប្រទេសជប៉ុន
      ២- ការចែករំលែកបទពិសោធន៍នៃប្រព័ន្ធបណ្តុះបណ្តាល TVET របស់ប្រទេសឥណ្ឌូនេស៊ី
      ៣- ការបណ្តុះបណ្តាលធនធានមនុស្សរបស់សាលាបច្ចេកទេសដុនបូស្កូ
     ៤- សកម្មភាពការបណ្តុះបណ្តាលរបស់មជ្ឈមណ្ឌលពហុបច្ចេកទេស Chiba ប្រទេសជប៉ុន
និង មជ្ឈមណ្ឌលពហុបច្ចេកទេស CHVEST ប្រទេសឥណ្ឌូនេស៊ី។
៥- ការបណ្តុះបណ្តាលធនធានមនុស្សរបស់អង្គការស្នាមញញឹមនៃកុមារ PSE
 សិក្ខាសាលាបានចាប់ផ្តើមនៅម៉ោង៨:៣០នាទីព្រឹក ក្រោមអធិបតីឯកឧត្តម ពេជ សោភ័ណ្ឌ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ លោក Naoki Mitori រដ្ឋលេខាទី១របស់ប្រទេស    ជប៉ុនប្រចាំនៅកម្ពុជា និងចំណុះសិក្ខាកាមចំនួន ១៦ អង្គភាព ដែលមានចំនួន ១០០នាក់ ហើយមានរយៈពេល ០១ថ្ងៃ។
    សិក្ខាសាលានេះមានបំណងលើកកម្ពស់ទៅលើការបណ្តុះបណ្តាលធនធានមនុស្សដើម្បីទទួលបានការងារសមរម្យ និងការងារសង្គម នៅព្រះរាជាណាចក្រកម្ពុជា ដែលឆ្លងតាមរយៈការចែករំលែកបទ ពិសោធន៍ការអភិវឌ្ឍន៍ធនធានមនុស្ស នៃប្រព័ន្ធបណ្តុះបណ្តាលបច្ចេកទេសរបស់ មជ្ឈមណ្ឌ លពហុបច្ចេកទេសមួយចំនួនដូចជា មជ្ឈមណ្ឌល Chiba ដែលស្ថិតនៅក្រោម ការគ្រប់គ្រងរបស់សមាគម JEED និងសមាគម JAVADA នៃប្រទេសជប៉ុន, មជ្ឈម ណ្ឌលបណ្តុះបណ្តាលបច្ចេកទេស CEVEST  នៃប្រទេសឥណ្ឌូនេស៊ី ព្រមទាំង សាលា បច្ចេកទេស ដុនបូស្កូ និងអង្គការស្នាមញញឹមនៃកុមារ PSE ដែលមានបទពិសោធន៍ ជាច្រើន លើការបណ្តុះបណ្តាលបច្ចេកទេស តាមប្រព័ន្ធ CBT ស្ថិតនៅក្នុងវិស័យ TVET។
    អង្គសិក្ខាសាលាបានបញ្ចប់នៅរយៈពេល ០១ថ្ងៃ វេលាម៉ោង៥:០០នាទី ល្ងាចក្រោម អធិបតីភាព ឯកឧត្តម ប៉ុក ប៉ាន់ អនុរដ្ឋលេខាធិការអប់ រំបណ្តុះបណ្តាល និងវិជ្ជាជីវៈ លោក Naoki Mitori រដ្ឋលេខា   ទី១របស់ប្រទេសជប៉ុន ប្រចាំនៅកម្ពុជា  ប្រកបដោយ បរិយា កាសរីករាយ និងភាពស្និតស្នាល ព្រមទាំងជូនពរដល់ អង្គសិក្ខាសាលាទាំងអស់ ក្រោយ ពេលត្រឡប់វិញទទួលបាននៅសុវត្តិភាពតាមផ្លូវ និងទទួលយកចំណេះ ដឹងទាំងនេះ ដើម្បីអភិវឌ្ឍន៍សាលារៀងៗខ្លួន។