រាល់ការធ្វើអ្វីក៏ដោយ ប្រសិនបើអ្នកធ្វើខុសពីក្តីសុបិន ឬ អ្វីដែលខ្លួនប្រាថ្នាចង់បាននោះ មិនយូរមិនឆាប់នឹងជាប់ផុងកណ្តាលទី ហើយក៏សម្រេចចិត្តបោះបង់ចោលយ៉ាងអសារបង់តែម្តង។ ដូច្នេះត្រូវធ្វើ អ្វីដែលជាក្តីសុបិនរបស់អ្នក ទោះបីជាពិបាកបន្តិចក្តី។ សម្រាប់ការធ្វើជំនួញ ឬ អាជីពការងារវិញ អ្នកត្រូវតែឈរនៅលើគោលការណ៍នេះ ព្រោះវាជាចំណុចសំខាន់មួយដែលនាំទៅរកភាពជោគជ័យដ៏ធំធេង។ខាងក្រោមនេះគឺជាគន្លឹះ៣យ៉ាង ដើម្បីជួយពង្រឹងចក្ខុវិស័យឲ្យច្បាស់លាស់ ក្នុងការចាប់យកអាជីពការងារណាមួយ៖
១) សម្រេចចិត្តជាមុន ថាអ្នកត្រូវធ្វើអ្វីមួយឲ្យពិតប្រាកដ
 មានតែអ្នកប៉ុណ្ណោះដែលដឹងច្បាស់ថា ខ្លួនចូលចិត្តអ្វី និង មានសមត្ថភាពផ្នែកអ្វី ដូច្នេះយោងទៅលើចំណង់ចំណូលចិត្ត និង សមត្ថភាពនេះអ្នកត្រូវតែសម្រេចចិត្តឲ្យច្បាស់ថា ខ្លួនអ្នកចង់ធ្វើអ្វីឲ្យប្រាកដ។ បើមិនទាន់ដឹងច្បាស់ថាចង់ធ្វើអ្វីទេ អ្នកត្រូវតែបន្តសួរខ្លួនឯងរហូត មានចម្លើយ ដើម្បីឆាប់បានដើរឆ្ពោះទៅកាន់វិធីជោគជ័យលើក្តីសុបិនមួយនេះ។
២) ព្យាយាមអភិវឌ្ឍជំនាញដែលពាក់ព័ន្ធនឹងគោលដៅអ្នកចង់បាន
 បន្ទាប់ពីដឹងថា អ្នកចង់ធ្វើអ្វី និងបានសម្រេចចិត្តធ្វើវាហើយនោះ អ្នកត្រូវតែព្យាយាមអភិវឌ្ឍជំនាញដែលសំខាន់ៗដែលអាចជួយអ្នក ឲ្យសម្រេចក្តីសុបិនរបស់ខ្លួន។ វាពិតជាមានសារសំខាន់ខ្លាំងណាស់ ដែលត្រូវអភិវឌ្ឍជំនាញព្រោះបើអ្នកចាប់ផ្តើមធ្វើវាដោយ គ្មានការតៀមលក្ខណៈទុកជាមុន នោះអ្វីៗមិនអាចជោគជ័យបាននោះឡើយ។ ដូច្នេះអ្នក មិនគួរមើលរំលងចំណុចនេះឡើយ ហើយត្រូវខិតខំសិក្សារៀនសូត្រ ដើម្បីអភិវឌ្ឍជំនាញផ្សេងៗដែលអាចជួយអ្នកឲ្យធ្វើកិច្ចការដែលចង់ ធ្វើ យ៉ាងមានប្រសិទ្ធភាព។
៣) បង្កើតទំនាក់ទំនងឲ្យរឹងមាំជាមួយបុគ្គលដែលជោគជ័យ
 មិនថា ស្ថិតក្នុងស្ថានភាពណាទេ ទំនាក់ទំនងគឺពិតជាសំខាន់ខ្លាំងណាស់ដែលគ្មាននរណាម្នាក់អាច បដិសេធបានឡើយ។ មនុស្សម្នាក់មិនអាចធ្វើកិច្ចការគ្រប់បែបយ៉ាងបានឡើង ពោលគឺទាល់តែមានមនុស្សច្រើនគ្នា។ កាលណាអ្នកមានទំនាក់ទំនងល្អជាមួយមនុស្សជុំវិញខ្លួនហើយបុគ្គលទាំង នោះជោគជ័យច្រើនទៀតនោះ  នេះមានន័យថា អ្នកនឹងងាយស្រួលក្នុងការធ្វើកិច្ចការផ្សេងៗ ពោលគឺ វានឹងជួយឲ្យការងារដែលអ្នកកំពុងធ្វើនោះឆាប់ទទួលបានជោគជ័យ។ ដូច្នេះហើយ វាជារឿងមួយដែលត្រឹមត្រូវក្នុងបរិបទមួយនេះ ដែលអ្នកត្រូវបង្កើតទំនាក់ទំនងល្អឲ្យបានច្រើន ជាពិសេសជាមួយមនុស្សដែលមានជំនាញច្បាស់លាស់លើការងារដែលដូចអ្នក ដែរ៕
ប្រភព៖ The Business New